ჩვენს შესახებ
კრიტიკული აზროვნების სკოლა არის არაფორმალური განათლების ცენტრი, რომელიც ბავშვებიდან მოზარდებისა და ზრდასრულების ჩათვლით სხვადასხვა ასაკის ადამიანებს სთავაზობს პროგრამებს პიროვნული და პროფესიული უნარების განვითარებისთვის.
ჩვენი მიზანია არა მხოლოდ ინფორმაციის მიწოდება კონკრეტული უნარისა თუ შინაარსის შესსახებ, არამედ ინფორმაციისა თუ უნარების პრაქტიკული განვითარების ხელშეწყობა, რათა მათ შეძლონ მიღებული ცოდნის ეფექტურად გამოყენება ცხოვრებაში, კარიერაში და საზოგადოებაში.
მისია და ხედვა
მომავლისთვის მზადება იწყება დღეს
თანამედროვე ტექნოლოგიების სამყაროში წარმატება და ბედნიერება პიროვნული უნარების გარეშე შეუძლებელია. ტექნოლოგიური პროგრესი, ხელოვნური ინტელექტისა და ავტომატიზაციის განვითარება ცვლის შრომის ბაზარს, სადაც ტექნიკური ამოცანების დიდი ნაწილი უკვე ტექნოლოგიებს და ალგორითმებს უკავიათ.
ამ რეალობაში, ადამიანის ძირითადი ღირებულება ხდება უნარი, იფიქროს კრიტიკულად, მოიძიოს ახალი შესაძლებლობები, მოერგოს ცვლილებებს და მიიღოს სწორი გადაწყვეტილებები. სწორედ ამიტომ, დღეს ყველაზე მნიშვნელოვანი უნარებია:
- კრიტიკული და ანალიტიკური აზროვნება – ინფორმაციის გაანალიზება და სწორად გამოყენება;
- შემოქმედებითი აზროვნება – ინოვაციური იდეების გენერირება და პრობლემების გადაჭრა;
- ემოციური ინტელექტი და კომუნიკაცია – ურთიერთობების სწორად მართვა;
- პრობლემების გადაჭრის უნარი – სწრაფი და ეფექტიანი რეაგირება გამოწვევებზე.
ტექნოლოგიებმა შექმნეს ახალი შესაძლებლობების ფანჯარა, მაგრამ ადამიანები უნდა მოემზადონ ამ შესაძლებლობების გამოსაყენებლად. მომავლისთვის მზადება დღეს იწყება, ხოლო პიროვნული უნარების განვითარება მისი მთავარი საფუძველია.
ჩვენი მისიაა შევქმნათ შესაძლებლობები, რომლებიც დაეხმარება ბავშვებს, მოზარდებსა და ზრდასრულებს გახდნენ წარმატებულები და ბედნიერები.
ჩვენ გვჯერა, რომ პიროვნული განვითარება არა მხოლოდ ინდივიდის წარმატებას, არამედ უკეთესი გარემოს შექმნასაც განაპირობებს.
კრიტიკული აზროვნების სკოლა ეხმარება ადამიანებს გააღრმავონ ცოდნა, განივითარონ უნარები და გაიმყარონ თვითრწმენა, რაც მათ წარმატებულ და სრულფასოვან ცხოვრებას უზრუნველყოფს.
მრავალფეროვანი პროგრამები ყველა ასაკისთვის
ჩვენი სკოლა სთავაზობს პროგრამებს ყველა ასაკობრივი ჯგუფისთვის – ბავშვებიდან მოზარდებისა და ზრდასრულების ჩათვლით. ჩვენი კურსები მოიცავს:
- ბავშვებისა და მოზარდების პროგრამებს, რომლებიც ავითარებს კრიტიკულ აზროვნებას, შემოქმედებითობას და ემოციურ ინტელექტს;
- მოზრდილთათვის განკუთვნილ კურსებს, რომლებიც ორიენტირებულია პროფესიულ განვითარებაზე, გადაწყვეტილების მიღების უნარზე, ლიდერობასა და კომუნიკაციაზე.
სწავლებისა და განვითარების ახალი ფორმატი
ჩვენი კურსები პრაქტიკული, ინტერაქტიული და შედეგზე ორიენტირებულია. სასწავლო პროცესი მოიცავს:
- პრაქტიკულ სავარჯიშოებს და რეალურ ამოცანებს, რაც უზრუნველყოფს ახალი ცოდნის ეფექტურ ათვისებას;
- ინტერაქტიულ გაკვეთილებს, რომლებიც ხელს უწყობს მოსწავლეთა ჩართულობას და კრიტიკული აზროვნების განვითარებას;
- პირისპირ და ონლაინ სწავლების ფორმატს, რაც მოქნილ და ხელმისაწვდომ პროცესს ქმნის.
რატომ ჩვენ?
ჩვენი სწავლების მეთოდოლოგია დაფუძნებულია მეცნიერულ კვლევებზე და მოიცავს ნეიროფიზიოლოგიის, სოციალური ფსიქოლოგიის, კოგნიტური მეცნიერების, ნეიროლინგვისტური პროგრამირების და ნეიროფსიქოლოგიის მეთოდებს.
ჩვენი უნიკალური მიდგომა უზრუნველყოფს:
- მიღებული ცოდნის პრაქტიკაში გამოყენების უნარის ჩამოყალიბებას;
- კონკრეტული უნარების განვითარებას და მათი ჩვევებად გარდაქმნას;
- ეფექტურობის გაზრდას როგორც პიროვნულ, ისე პროფესიულ სფეროში.